Ride Anak Baung

Ni ride paling lamo eden prepare. Sobulan sobolun tu eden dah gi repair si Blade eden tuh. Tukar tayar, tukar minyak itam, tuning, idup an road tax. Lopeh tu siap testing lagi… poie balik kojo. Bukan apo, Blade eden tu dah masuk aktegori veteran…. Jadi ghisau sket nak jalan jauh…….

Camano bulih topilih tarikh ni, eden pun tak paham. Tarikh ni samo dongan tarikh gi ride Pangkor. Tapi eden tak do hal…. Hantam…………….

24/12/2011

Eden bangun dogheh gak, tapi banyak bona bondo yang nak diusik. Ghantai Balde eden dibasuh eh dek Amir sampai kilat. Gilo weiii… maun monyanyi ghantai ni kang, bilo air dah koghing. Eden boh lah minyak…. Tak tahulah boghapo jauh minyak tu boleh molokek.

Lopeh tu, tank bag yang eden boli tu pulak, tolmapau ponuh. Dah jadi cam wind screen plak kek ateh tank tu…… Kono re-pack baghulah ghondah sket deh. Tali pongikek eh plak dah ghoput…

07:20hr baghu nak start mutu. Sori lah kengkawan yo eden dan gepren lambek plak sket.  Sampai kek R&R Seremban (North Bound) Roling, Bob dan Edzli dah tunggu. Tros……. zassssssss……. Eden ghaso maso tu dah kol lapan lobih dah!

Cuaco pagi tu… perghhh… cam kek Europe. Sojuk, kabuih…… Tompi dalam cuaco cam tu…. ride besh. Sampai kek Serdang…. gedebusahhhhhhh…. Ujan turun. Tompi tak lobek bona. Roling tak boghonti… yang lain pun ikut yo lah. Keto pun tak boghapo banyak soba ari Sabtu.

Dari Serdang, ke Jalan Sg Bosi ke Jalan Lapangan Terbang dan tros masuk Tol Jalan Duta. Tak lamo sampai R&R Sg Buloh. Sumo dah nunggu kecuali si Jan Xtrail. Sani pun ado. Eden ingat dio nak ikut kali, tompi ghupo eh nak flag-off yo. Eden tengok BB, ado plak sms dari member eden (SYM250) ngobaan dio tak dapek ikut.

Tak lamo lopeh tu Jan sokoluargo sampai. Cukup korum dan tros mara ko Esso. Kono isi dulu wooooo…. Anggota kali ni… Blade Takori, Atlantic, Blade 250, SYM200 (4 biji) dan 135 LC…..aaaaa…. lupo plak ado species ganjey satu ari ni… Nissan Xtrail…. dalam ghamai rider/driver tu… ada 2 lagi ganjey… sokali pandang, ghoman eh cam tikuih… tompi duo kali pandang cam tupai lah pulak….2 ekor Sugar Glider. Sojarah ni……tak ponah 4 legged creature ikut dalam ride….. ehmmmmm…. Muahahahaaaaaa…. Sib baik si Fulbber(kucin jantan anak eden) tak ikut kalau tak maun dio bokojaan dongan si Sugar Glider tu……………

Lopeh isi minyak, ride cam biaso, jalan menuju ko Tanjung Malim, memang banyak keto kalau pagi Sabtu. Cilok yo lah mano yang bulih. Walaupun banyak keto tapi tak jem la. Laju yo gemg S2 Rider moncilok.

Sampai toll Tanjung Malim, kuar sobab somasing nak ghaso jalan dalam plak. Maso ni sobona eh poghut pun dah bokoroncong. Dah macam gamelan dah bunyi eh. Tapi jalan ke Slim River tu memang nostalgialah sobab eden ponah duduk Slim River maso awal 90an dulu. Maso tu kojo buek heway.

Lopeh pokan Slim River bagi signal kighi….kodai Mamak beb. Gamelan dah kuek bona dah bunyi eh. Ponuh kodai tu. Cemacamlah yang kami oda….ghuti tolow, ghuti bawang, ghuti tolow tak do bawang. Tompi pirasat eden ngobaan, orda lah nasi lomak, nescayo copek sampai. Tompi ado yo yang tak orda, si Sugar Gliders. Dio ado bawak boka…..ceneke botow!

Firasat oghang tuo-tuo ni solalu botow. Memang nasi lomak sampai dulu. Eden balunlah. Yang lain pueh nunggu sobab Mamak tu kughang kaki tangan. Tompi dapek gak lah akhir eh.

Lopeh montodaghah, ride balik. Jalan dari Slim River ke Bidor ni memang besh. Lughuih dongan kona panjang. Keto pun tak banyak bona sobab oghang yang bojalan jauh ikut hewah. Enjoi lah … cuaca lak memang besh…. Cam tour ride kek Eropah….botow ko tak eden tak tahulah sobab eden pun tak ponah poie sanun….. muahahahaha….. kok tak botow mintak mahap lah yo. Sajo nak nyodap an coghito haaa…

Sampai yo Bidor… aduhaiiiilaaaaaa…. Hujan beb. Sumo eh boghonti. Eden pakai baju ujan. Tompi si Roling dan Bobe tak pakai. Roling tak pakai mungkin sobab dio waterproof, Bobe plak koba dio tak ado baju ujan sobab tak do saiz bilo nak boli. Tak po lah Bobe, sok kito jahit sendighi yo…… muahahahahaaaaa….

Tompi tak lamo doh ujan eh. Maso masuk balik ko heway kek Tapah, ujan dah ghodo dah. Power ride sampai Ipoh. Laju gak kek situ. Sumo eh bodosup. Maso nurun Bukit tempurung tu, perghhh…. moncanak sumo eh. Kek Ipoh pun keto tak boghapo banyak.

Kalau ikut an jadual, memang dah agak lambek. Nak tuju ko Tepen untuk makan tongahaghi kek umah DSP Faisal. Tompi kono isik minyak dulu. Kalau tak kang maun yo botolak si Laici tu. Jadi singgah kek R&R Sungai Perak. Maso tu eden dah toghimo sms dari DSP Faisal sughoh update lokasi.

Dari Sg Perak ko tol Changkat Jering memang tak jauh bona. Sampai yo kek toll, duo bijik kudo putih dah tunggu. Sampai yo si Xtrail, sumo eh tros masuk line.

Gilo beb… tak ponah eden ride ado eskot. Kali ni ghaso cam VVIP yo. Duo polis trafik eskot kitoghang. Jalan clearrrr….. traffic light meghah pun toghuih yo. Keto lain kotopi bogi laluan….Banggoooooo….. (Sani, ghugi botow ekau tak ikuttt!) Moncanak tongah-tongah pokan Tepen. Kok oghang sokali pandang memang tak heghan…..Padan muko mat rempit, koni eskot po’ie balai!.... tompi kok dio observe (muahahaha.. to speaking London plak).. mungkin heghan.. camano plak Mat Rempit ni ghelo yo ngikut. Solalu eh botompiaghan… laghi….. he..he..he….!

Sampai umah DSP Faisal….. lagi tolopong kitoghang. Ado kemah, cam nak kendughi. Masuk umah, perghhhhhh…..nasik beriani, kari ayam, kari daging, sambal bolacan. Cairrrrrrr……. Ghaso nak toghokam.. tompi maluuuu… dok jap borak-borak. Lopeh tuan ghumah ajak 7 kali, baghu sosah….. muahahahahaaaaaa……

Lopeh makan, ado plak yang gata sobut posa dughian. Dah pogawai bopangkat, sotakat dughian ni lolap mato yo lah. Tahu-tahu dah tolonggok dopan mato. Dongan ponuh sopan si Bob Panjang ngupik an sobijik…sobijik…sobijik….. Yang isik kuning oren tu… mangg aaiii… sodap. (Memang ghugi botow ekau tak ikut Sani!)

Lopeh hongeh baghu toghingat, tujuan sobona eh nak gi Tasik Banding. Bogogeh po’ie sembahyang dan prepare nak sambung ride ko destinasi. Lopeh salam-salam dan ucap terima kasih kepada DSP Faisal sekeluarga, kami zasssssss lagiiiii…….

Sobonar eh this was where the adventure really begun (muahaha.. apo posa pulak lidah eden ghaso lain macam yo nihhhh).

Maso kuar dari umah DSP, eden cam konfiden yo leh cari jalan ko Kuala Kangsar. Jalan punyo jalan, tak do satu papan tando pun kek topi jalan. Dah eden moghaban dalam town Tepen tu. Tak jumpo jalan kuar. Ekor pulak putuih. Bilo tengok bolakang, ado Fido, Edzly dan Saiful Laici yo. Yang lain ilang. Caghik jalan kuar dulu lopeh tu baghu kontek yang lain.

Lopeh pueh bolegar, baghu jumpo jalan ko Kuala Kangsar. Tu pun lopeh Edzli tanyo makcik jual goring pisang. Sampai lopeh simpang tol, boghonti kek topi jalan. Tengok ado sms ngobaan mutu Bob Panjang ghusak. Toghuih lepak kek bus stop dokek situ.

Tunggu lamo gak. Dioghang yang toman an Bob, sughoh kami jalan dulu tapi kono tunggu Jan yang nak ikut samo. Dalam pojalanan Jan pulak masuk salah simpang dan tosangkut dalam jem. Bilo mutu Bob dah siap repair dan sampai kek bus stop, Jan masih tak sampai laie.

Bilo Jan sampai, sumo nak goghak. Bobe dongan konfiden sughoh yang lain jalan. Bilo dionak jalan mutu eh plak tak leh start. Maso tu yang lain dah bodosupjauh. Tingga eden dan Fido yo. Muahahahahaha…..

Fido gi carik jumper tompi somontagho tu Bobe gi tanyo brader kek kodai phone soboghang jalan. Sib baik dio ado jumper….. gilo lamo tak pakai beb…. Siap bokaghat dan ponuh dongan pasir. Tompi masih okay dah dapek start Atlantic bilo jumper dongan Blade Takori eden. Lopeh dapek start mutu Bobe, Fido tipon, dio koba, kalau nak pijam jumper kono deposit RM50. Kensel pinjam jumper sobab mutu dah idup. Fido sampai yo… tros jalan. Lain lain dah tunggu kek Petronas sobolun pokan Kuala Kangsar.

Kek Petronas mutu Bobe mati lagi. Tapi kali jumper dioghang dah boli dan jumper plak dari bateri Xtrail. Beghehhhh…………….

Dari Kuala Kangsar, ride kek Gerik. Haghi dah golap tompi sumo laju yo. Lampu sumo toghang. Maso tu ado plak boboghapo mutu lain jang tumpang konvoi.

Sobolun pokan Gerik, isik minyak. Takut stesen minyak seterus eh tutup. Lopeh Gerik ambil simpang ke Kota Bahru. Kek sini jalan mendaki bukit. Selekoh memanjang. Cuaca….sojuk beb, dah macam panjek genting highland plak ghaso eh.

Sampai kek resot dah dokek 23:00hr. Legaaaaaaaa………….

Tompi poghut dah main lagu gamelan balik. Yo tak yo..kuar gaklah poie kek pengkalan. Kodai dah nak tutup. Sib baik dio maun layan, kalau tak maun yo minam air tasik buek aleh poghut….. muahahahaaaa……….. Nasik goring pataya + soup cendawan+ the tarik…… arrgghhhhhh….. nyaman supper ari ni!

Sodang makan tu, totibo ghiuh. Eden ingat kok ado potunjukan badut… ghupo eh ado babi utan datang jenjalan tak jauh dari tompek kitoghang makan tu. Sib baik jauh, kok dokek maun kono molih seko…. buek barbeque….. (botow ko eden ejo ni…).

Lopeh makan toghuih balik bilik. Ponek wei. Titon lah pulak. Capo yang beghajat nak datang sini, memang bulih bona. Bilik eh besh gak lah. Bersih dan baru. Seleso!

25/12/2011

Tojago kol 07:00hr. Toghingat sun rise. Bukak pintu balcony…..aduhaiiii…. cun. Lake view tu beb. Tompi tak do kosan matohaghi toghobit kek arah tu. Tapi lawa gak lah lake view dari bilik.

Lopeh tu lepak balik. Tosodar dah kol sepuloh… muahahaha….. Toghuih bokomeh untuk check out. Mulo cadang nak sarapan, liatttt. Minam kupi pree kek dalam bilik yo lah.

Yang lain dongar koba eh sompek poie pengkalan. Boli ikan baung untuk makan tongahari. Ado yo yang sompek mincing bagai. Dapek ikan ko tidak eden tak tahulah. Eden kalau mancing ni……kuuurrreeennnggggggg….. Dioghang yang bawak pancing….biarlah. Kalau tak dapek ngulor an mato kaie tu dalam tasik kang kok moghobeh lak air mato…..muahahahaaaaa…

Kol 12:00hr eden dah ampai kek loby. Tros soghah kunci. Sompek gi jenjalan ko tingkat 1 bangunan tu. Tengok ado kolam ghonang dan pemandangan cantik kek bolakang resort tu.

Sampai balik level “L”, makan tongahaghi dah sodio. Apo laie…. pulun. Ikan baung masak lomak. Ayam goring dan sambal bolacan. Eden tak toleh kighi kanan sobab pagi tadi tak sarapan.

Perghhhh… pueh hati. Kalau dapek kek eden ikan baung tu…..kasih sket asam limau dan lado api…..aduhaiiiiilaaaaa…. maun sopiuk nasik abih eden kojo an.

Sobolun bertolak balik, sompek kasik minyak sket rantai Blade eden sobab jalan jauh bona, dah jadi tolampau koghing. Sib baik Roling ado bawak minyak itam spare. Eden ghisau gak sobab bunyi rantai tu dah jadi tolampau kuek. Kok putuih… mampuihhh wei…….

Pukul boghapo mulo jalan balik eden tak ingat. Cuaca congah dan kengkadang paneh. Silau gak mato eden kengkadang tuh. Bilo turn yo dari resort tu, eden ko dopan sket. Sajo nak layan jalan tu. Besh gak cam jalan Simpang Pulai – Cameron Highland. Blade pun ikut yo rontak eden. Walau pun naik boduo, well behave gak Blade eden kek kona-kona tu.

Lopeh pueh hati layan…. Eden cruise balik sambil tunggu yang lain. Pejalanan balik ni agak laju. Kojap yo dah samapi Kuala Kangsar. Ado plak cadangan nak naik balik ko Tepen untuk makan mee udang. Aduiiiyaiiii…. Jangan lah wei….. jauh tuuuuuu.

Si Atlantic masih ado masalah. Bilo kek traffic light, enjin cam nak mati bilo idling. Si Bobe topaksolah pujuk dio. Kalau tak kang maun tak sampai umah dibuek eh.

Bilo masuk yo heway, semasing laju yo. Sampai kek R&R Sg Perak, somuo sopakat untuk berenti rehat. Poghut dah mulo lapar balik dah, mutu-mutu pun dah kosong tangki eh.

Eden pusing-pusing carik ABC untuk gepren eden bilo eden tonampak menu menarik Telur Separuh Masak Special. Eden pun oda 2 set. Perghhh… besh gak potang-potang makan telur separuh masak dengan roti bakar. Lopeh tu ghamai pulak yang minat….. dan oda. Patut eh eden dapek kamsin ni sobab tolong promote!

Lopeh minam, gepren eden sompek plak boli asam rojak buah Mak Bee. Lopeh tu eden tros isik minyak. Kalau kigho-kigho eden botow, minyak ni leh bawak sampai Ulu Bernam. Lopeh isik minyak zasssssss……………..

Tak lamo dari situ sampai terowong. Lopeh terowong jalan menurun tapai banyak keto. Keadaan jalan koghing jadi konfiden sket nurun bukit tu sampai Ipoh.

Dari Ipoh, crusing laju botow. Bolun sompek bonapeh dah sampai Tapah. Ikut firasat eden, patut eh berenti kek sini sobab Laici mesti dah nak koghing. Tapi, eden tengok Roling toghuih yo. Eden pun ikutla. Sampai kek layby mano ntah…. Berhenti sbb tunggu yang lain. Tak lamo lopeh tu yang lain sampai. Sib baik si Laici berenti sendiri isik minyak, kalau tak maun botolak untuk sampai ko Ulu Bernam.

Sebaik yo mulo jalan balik, eden tonampak Ferari Meghah. Laju, cilok kiri, cilok kanan. Eden pun cubolah follow dongan Fido. Lamo gak eden ngekor an Ferari ni. Kalau kito bawak mutu, oghang solau kutuk, laju lah, bahayo lah, moncolah tak hengat oghang lah. Ari ni eden perati ghagam pemandu Ferari yang lobih dahsyat. Dio bawak laju, cilok colah keto, ikut keto dopan tak sampai 2 kaki jaghak eh, masuk emergency lane untuk potong keto lain. Eden ghaso, jauh lobih dahsyat dari Mat Rempit tegar kek nogagho kito nih……Jumpo yo jalan clear, zassss…. Toghuih ilang dari pandangan….. muahahahaaaaa…..

Sampai R&R Ulu Bernam, eden tros masuk. Gilo awal sampai sini. Solalu eh sampai sini keadaan dah longang, kali ni tongah oghang ghamai…. hee….. Bilo Tuan Bendahari datang, eden oda mihon kari dan the tarik.

Sobolun botolak balik, salam-salam dongan Saiful Laici. Dio akan kuar awal untuk balik umah kek Shah Alam (kalau tak silap eden laaaa). Yang lain akan tros ke tol Jalan Duta. Dalam pojalan totibo nampak ado yang berenti kek Sg Buloh. Bilo boghonti dio koba mutu eh molotup-lotup cam bunyi moghiam. Muahahahaha…. Eden koba, tak do hal punyo, valve atau kaburator dah mulo tak cun yo!

Sampai Tol Jalan Duta, tingga 7 bijik yo sobab si Saiful dah exit awal. Edzel dan Fido akan kuar ke KL, yang lain akan tros ke Seremban. Eden, Roling dan Bobe akan singgah kek R&R Seremban untuk tukar barang. Edzli dan Bob Panjang akan tros ke Seremban sobab gepren semasing dah ponek bona.

Lopeh basah an tokak, betolak dari Tol Jalan Duta. Lalu Jalan Istana menuju ke Jalan Sg Besi dan tros ke Seremban. Sampai R&R, eden berenti kojap untuk ambil barang dari Bobe. Eden mintak diri dulu, tros menuju SonangWang.

Sampai umah sekitar 00:00hr. Legaaaa….. total mileage kek Blade eden ialah 934km. Tompi kono campur lobih kughang 15km sobab eden lupo set maso mulo an pojalanan. Jadi jumlah perjalan yang dicatit dek si Blade ialah lobih kughang 950km.

Besh ride kali ni. Jauh tapi pueh ati. Gulai lomak baung…. Perghhhh….. Next ride……Penang anyone?

Ride Pengkalan Balak

09/07/2011 - Ride Pengkalan Balak

Eden daghi pagi dah prepare Novuo untuk ride ni. Tapi gepren eden tak sotuju lak. Dio koba nak naik GTR. ehmmmmm........ GTR pun GTR lahhhh...... tapi kono doa lobih sket lah sobab GTR ni kaki eh pengka...... muahahahaaaaaaaaaa........

Kol 8.40pm eden dah start GTR. Tak soba. Dah lamo botow tak gi ride. Dari SonagWang tros hala ke Precinct dan masuk Seremban Ring Road. Cuaca nampak cun. Harap-harap tak ujan. Kalau ujan sojuk wooooo ride malam niii....

Sampai RV point, si Roling dan Bob Cat dah sampai. Gilo... dioghang ni momanjang sampai dulu yo. Roling dongan Sym eh tu lah. Si Bob Cat... heeee.... naik Elegan. Mang ai... ni kombinasi luar biaso ni. Emmmm..... eden ghisau... takut patah pinggang si Elegan tu kang.... muahahaha.... ampun abg Bob Cat.........

Somontagho nunggu si Edzli dan Bob Panjang, sompek eden bawak gepren naik GTS si Roling. Bukan apo, sajo nak sughuh dio ghaso naik GTS.... heeeeeeee.....

Lamo gak nunggu si Edzli. Tapi yang sampai dulu iolah si Bob Panjang dgn mutu ompek tayar.  Coneke si Bob Panjang ni. Oghang naik open air dio pakai econ.... cissssssss..........

Lopeh tu tros jalan. Dari Petronas ambik jalan Rantau. Jalan tu walaupun jalan kampung tapi banyak gak keto. Si Roling kek dopan... mang aiiii... laju plak. Eden ikut yo lah. GTR mano leh laju bona. CC paling kocik. Topakso full throttle momanjang.

Jalan-jalan kek back road ni eden tak boghapo lancar. Tapi apo do hal. Ikut yo lah. Tapi antara route yang di ikut ialah Lubok China dan Masjid Tanah. Jalan-jalan ni semua cantik dan penuh dengan kona kiri dan kanan. Beshhhh woooooo.....

Lopeh ride dalam 40minit, Roling masuk dan berhenti di Petronas. Kek sini eden isi minyak walaupun baru yo ride. Isik ponuh baghu RM4.40 yo. Tapi tak po. Eden pasti kalau balik kang mesti dah pagi, kalau tangki koghing gholo dek eh sobab tongah malam kobanyakkan stesen minyak tutup woooo..... Hari ni CRV tak ikut..... apo-apo hal dgn GTR... leh nangis wooo.

Sampai area Melaka, ride lobih smooth dan lampu plak toghang. Tapi kalau dgn GTR eden tak ghisau bona sobab reflector light tu walaupun tak putih cam lampu GTS, tapi cukup toghang.

Bolun pueh layan angin malam, dah sampai. Tapi kek Pengkalan Balak bolah Melaka ni ghamai gak oghang. Kodai pun banyak. Tapi sobab dah dokek kol soboleh, ado gak yang dah tutup la. Cari punyo cari, berentilah kek sebuah kodai yang masih bukak. Parking mutu kek topi laut. Sobaghih revers park, ala-ala Harley.. gituuuuu..... Sobab si Bob Panjang bawak mutu ghodo ompek, sumo helmet dan jeket tumpang kek dio.

Sobolun poie kek kodai makan, semasing nak ambik gambar deretan mutu kitoghang tu, tompi tak cantek. Eeleeehhhhh... camera phone.... mano ghoman gamba bona... kalau dalam golap camtu lagilah..... muahahahahaaaaaaaa..... muahahahaaaaaaaaaaaaaaaaa........

Gepren eden dan gepren Roling jadi tukang pilih menu. Ontah apo yang dioghang pilih, eden tak tahu. Tapi, eden nekad, apo yo yang toghidang kang, eden hobin.

Tompi yang eden tak soleso tu, dudok dalam golap kek bawak pokok cheri. Muahahahaaa... tapi poghut dah lapar, golap pun golap lah. Jangan ado cikak tokek toghojun dalam sup, udah. Kang tak pasa-pasa ado yang jadi Tokek Man........

Ikan bakar, sotong, dan sup sayur. Eehhh... lupo plak... nasi putih. Besh gak masakan kek sini. Bolasahhhhhhhhhhhhh..... tapi aghi ni tak oda air jug pulak. Eden tak tunggu lah, toghuih bolasah mano yang patut.

Sodang sodap makan, Bob Panjang dapek panggilan VIP. Panjang lebar dio bobahas dalam talipon. Perghhh.... gilo lamo. Dah macam oghang ilang aka plak si Bob ni... ghisau eden. Lopeh yo acara perbahasan, dio dah heboh nak balik. Ghisau gak eden. Kang kok tolupo ambik helmet kek dio, maun cam 'Bai' kitoghang ride...... (pakai serban..... muahahahaaaaaaaaaaaa)

Abih gak lah duo ghatuih lobih. Kigho balik dalam RM25 sokopalo. Buleh lah.... ponuh tu wei ateh mejo tuh. Gepren eden heboh kek hongheh........... heeeeeeeeee....

Lopeh sumo eh solosai, kitoghang pun ciowww. Pojalanan balik nyaman. Tak laju bona. Tak do lah mongengek GTR eden tu. Tapi eden ghisau gak. Kok dibuek eh moghagam tongah-tongah malam tu... pergghhh.... leh kuar poluh dingin.

Route balik lain. Kali ni ikut arah ke PD. Tapi dari Pengkalan Balak ni ke PD lobih dokek. Tak lamo, dah sampai Pasir Panjang. Maso lalu kek jambatan Sg Linggi, eden nampak ghamai botow oghang mancing. Eden tak kisah pasal mancing tu, yang den ghisau kok ado maso eden lalu tu, yang sodang baling umpan. Silap-siap boleh tosangkut kek mutu wooo.... Kok kono mutu tak po yo. Kok dibuek eh kono batang idung, leh sempong wooo.....

Sampai PD tros singgah kek Bangi Kopitiam. Eden cam biasolah, kopi paneh. Perghhh... beshhhh.

Hongheh tadi lom abih... si Edzli boleh order roti bakar lagi tu. Mang ai..... bosa eh tangki si Edzli ni. Eden tak dayo lah wei. Sotakat kopi socawan boleh la. Kek sini pun cuaca nyaman. Walaupun siang tadi ujan bebeghapo kali, tapi malam ni cun yo. Bulan pun nampak kek langit walaupun tak do lah toghang bondoghang bona.

Solosai minam, tros betolak balik. Jalan lamo yang monuju ko Lukut tu, lebar tapi banyak mainhole cover. Eden tolanggar satu.... perghhh... dio punyo lambung, cam nak toghobang gepren eden kek bolakang. Jangan bengkok rim  GTR eden udah.

Maso momulo tu cadang nak ikut jalan lamo. Tapi bilo sampai simpang heway, si Roling bagi signal kighi ko heway. Eden apo ado hal, ikut yo lah. Masuk heway, sosah maksimumlah. Tapi GTR laju mano bona.He... he... he....

Lopeh toll, sumo eh boghonti. Kek sini salam salamlah sobab lopeh ni Roling dan Edzli akan masuk kiri ko Seremban 2. Bob Cat akan tros ke Jiboi. Eden ko SonangWang. Badan lon ponek lai. Mesen-mesen pun cam sihat yo ghaso eh. Tapi dah nak sampai umah.

Dari Jln Rasah, eden ambik Seremban Ring Road. Kuar kek exit Rembau. Masuk Precinct dah tros ko SonangWang. Sampai umah dokek kol 3 pagi gak laaaaaa....

Eden masih tak pueh ati ni.... lon dapek long distance dgn Nouvo.....ehmmmmm............

Ride Rembulan

17/04/2011 – Ride Rembulan

Lamo tak ride. Ghaso cam ado yang tak sempurna plak. Tapi, bilo ajak ride, ghamai plak yang tak dapek po’ie. Maklumlah, semasing kojo, ada urusan peribadi dan ado urusan keluarga. No problem…. paham.

Somalam pun samolah. Sobab ni bukan mega ride, perancangan tak lamo. Yang muncul…. heee… eden, Roling dan BobCat…. okaylah tuuuuu…. muahahahaaa….

Kol 8.45am baghu eden sampai kek RV point, Petronas jalan Tampin. Sobab dah lambek, tros gi isik minyak dan……. zassssssssssss…….

Route…. ni kolakar sket lah…. Senawang – Rembau – Tampin – Pilah – Bahau – Muazam – Kuantan…. jauh beb….

Cuaca….. beshhhh….. cerah dan langit biru. Besh yo layan jalan Tampin. Keto plak tak banyak sobab haghi Ahad… mungkin oghang bolun bongka la’ie.

Samapi Tampin tros hala kiri menuju Gemas/Pilah. Lopeh tu ambil kiri lagi menuju Pilah ikut jalan lamo tu. Jalan kek sini dah cantik. Tak banyak lobang tapi ado beberapa tompek banyak pasir kek solekoh. Dalam banyak pasir tu pun Roling dan Bob layan gak sampai berasap ekzos. Eden comeh gak kek satu solekoh tu sobab banyak bona pasir… terovershoot kotongah jalan.

Lopeh simpang Senaling… totibo Bob boghonti. Enjin Atlantic mati. Ghupo eh ado wayar tocabut dan bateri tak charging. Yo tak yo, tolak sampai Pilah. Gilo weiii… Atlantic tu 250kg, mendaki plak tu. Sib baik Roling tak tukar hijau cam Incredible Hulk…… muahahahaaaa mungkin sobab dokek yo dalam 1km yo….. Kek Pilah cari kodai nak cas bateri. Sib baik ado kodai bukak….. arghhhhh… logo.

Tongah lepak nunggu….. totibo si Remi (Perpatih Cycling Community) muncul. Sompek lak borak pasal beskal kojap.

Somontagho nunggu bateri ponuh caj, po’i minam kek gerai, basah’an tokak dan kasik rilek sket muscle kaki yang dah kombang tu. Eden dan Bob pokono lontong. Besh gak lah. Banyak su’un teh Bob. Dah macam jadi gulo-gulo jeli plak ghaso eh. Roling order laksa….eeeeee…. eden pun naik heran. Memang tak abih punnnn….. koturunan eden mano ado yang goma laksa!

Lopeh minam, gi ambik bateri. Bilo pasang yo kek Atlantic, vrooommm… toghuih idup. Sambung ride………… tapi sobolun tu cari jumper cable dulu kek pasaraya sobolun simpang Gontam tuuu. Kok buek hal lagi, leh gak di charge dari GTS atau Elegan.

Patah balik ke pokan sobab nak masuk jalan Sg Duo. Jalan ni pun besh sobab tak banyak keto. Tapi sosokali ado yo keto acik-acik nak kuar boli lauk. Monjajar gaklah kitoghang mongelak eh. Kojap yo dah sampai jalan Juaseh. Kek sini keto berderet. Agak eh oghang kuar nak po’ie pasar gak lah tuuuuu. Potong yo lah satu-satu.

Sampai Bahau, tros masuk simpang ke Kuantan. Tak lamo dah sampai traffic light simpang ompek Serting dan masuk kanan. Sini….. yeeeehhhaaaaaa…. jalan lurus giloo. Eden cubolah nak laju sket dongan Elegan White Poer eden tu. Tapi tak boleh lamo. Temperature naik plak. Jadi, maintain yo 90-110km/h.

Sampai Palong, berenti kek Petronas biaso. Minyak Elegan eden dah tinggal duo takuk yo. Isik kasi penuh. Kali ni berenti kojap yo. Tak sampai pun 10 minit. Roling dan Bob tak isi minyak pun sobab tangki dioghang godang. Banyak la’i minyak eh.

Dari Palong sampai Muazzam, rilek yo. Keto tak do, kona pun tak do. Cam auto cruise yo skuter sumo eh. Cuaca memang cun la, cerah. Sampai Muazzam, berenti kek Shell sobab Atlantic Bob plak nak isi minyak. Eden tak isi minyak, tapi isi perut. Air soya rose dan roti krim….. argghh…. beshhhh….

Dari Muazzam enjoy gak. Smooth ride….. layannnnn. Sampai kek Gambang lampu warning petrol Elegan White Power eden dah mulo lip lap lip lap. Berentilah isik minyak. Maso nilah nampak ado paku kek tayar bolakang Atlantic. Mujor angin eh bolun kuar.. kalau tak mahu jadi incredible hulk si Roling nolak mutu 250kg + rider eh 120kg. Singgah kek kodai mutu yang bukak ari minggu dan kasik tampal itu tayar. Bilo kasik cabut paku tuuu… hahhh panjang weiii… Sambil tu joling-joling gak kalau-kalau ado lokek kek Elegan dan GTS. Alhamdulillah… tak do.

Maso ni dah dokek kol ompek potang. Lewat bonar dah. Banyak togondalo dek masalah mutu. Tapi hati totap ghiang sobab dah sampai Kuantan. Tros ke destinasi, Teluk Cempedak. Memulo tu carik pantai sobolun sampai padang gold tu (Taman Gelora kok tak silap namo ehh). Bilo singgah… eikkk… kurang seleso plak. Gepren eden lagilah tak sotuju. Jadi…. zassss… ke pantai Teluk Cempedak. Sampai situ rider Extreme Sport dah sampai. Ramai gaklah diorang tu.

Dioghang ni lagi besh. Dari Nilai, lalu Pilah. Sampai kek Batu Kikir tolupo nak masuk simpang ke Kuantan. Tros lalu Mancis dan Karak. Perghhh… satu pusingan ‘U’ yang teramat bosa untuk sampai ke Kuantan….. heeeeeeee……..

Kek Teluk Cempedak… cam biasolah…… makan tengahari. Nasik kuah dan sayur dengan pari bakar dan ikan…. ontahlah lupo plak namo eh + sup cendawan. Air fresh oren. Memulo soghang order sogoleh yo… tak cukup plak… tros order satu jug. Honghehhhh…

Pukul onam sotongah ghaso eh baghu nak betolak balik… gilo lambek woooo… Sobab tu tros setuju ikut heway pantai timur. Bukan apo, jalan Muazam – Bahau – Pilah tu takut golap bona.

Masuk yo heway… eden cubo maintain 100km/h. Temperature naik gak 2 bar. Tapi bulehlah sobab dah sojuk sket. Totibo tongah jalan tu nampak plak sunset cun…. berentiiiii… ambik gambar duo tigo koping…. heeeeeee… otibo so Roling tunjuk ko aghan bolakang….. perghhhhh…. lobih ngancam. Bulan tongah toghobit. Lawa woooo…. Snap gak boboghapo kali tapi tak cukup zoom…. standard kit lense memang tak leh nak buek apo laaa….

Sampai satu RNR tu (Temerloh lah ghaso eh…. heeeee) berenti. Topup minyak. Kek heway ni kalau koghing kang susah.

Bilo jalan balik, dah malam, tapi toghang beb sobab bulan ponuh. Eden siap tutup lampu lagi…. kasik jimat elektrik….. muahahahaaaaaaaaa……….. Masih boleh cruise 100km/j dengan tak pasang lampu tongah-tongah malam……. heeeeeeeeeeeeee……

Tak do apo nak coghitolah kek heway ni. Walaupun ado keto tapi takdolah banyak cam heway Seremban-KL. Sampai kek Genting Sepah, berenti makan malam. Memang dah kono maso eh… sobab dah mulo ponek. Eden pokono kueh teow mandarin…. besh gak bilo dah campur kicap sambal. Yang lobih besh… kopi halia bara…. membara bebbbb…. tros tak ngantuk.

Lopeh genting sepah…. woooo… ni epik ride wooo…. si Atlantic dan GTS puluuuunnnn…. eden tak do choice molainkan full throttle. Moncanak Elegan sampai 120-125km/h. Macam nak barai enjin Elegan White Power eden tu. Tapi enjoy gak…. bolasah Karak Heway memalam. GTS dan Atlantic jauh kek dopan laaa… Dioghang mutu baghu…. memang lajuuuuu…

Lopeh Toll Gombak… masuk kiri… MRR2. Bolasah lagi….. mang aiii… gilo hapo budak duo ekor niii….. Eden nak wek cam no…. topakso layan gak lah sampai Sg Bosi. Kek sini eden tengok minyak eden masih ado 2 bar. Tapi bilo jalan yo, bolun sampai Bangi dah nyalo lampu kining. Aduhaiiii…. eden topaksolah polahan untuk nyampai an ko R&R Seremban (Petronas). Slow yo… 80km/h…. muahahahaaaaaa……

Sampai Petronas isik minyak. Gepren eden dah heboh ponek bona. Jadi, salam salaman dgn si Bob dan Roling dan tros minta diri.

Samapi umah dah 11.45pm. Lega….. sopanjang jalan cuaca memang cun gilerrrr. Cerah tapi tak do lah paneh bona. Enjoy….. memang enjoy. Cumo eden topakso lobih ati-ati sobab sentiasa joling meta Elegan eden yang kengkadang naik baran.

Tengok meta pojalanan, 663km.

Next ride…. mega ride kot… S2 rider team yang arrange ni….