Taman Negara ... tunggu kau...

10/09/2005 : 12.30am. Habis urusan BLM eden dah kul 12.30am. Mak aiii…
dah lambek bona. FiXeR tak bobasuh, ghantai pun kondow…. Biarlah..
esoklah eden tengok. Eden carik baju ujan, tool set, playa dan skru
drebar….. longgok an ateh mejo samo dongan bag…. Esok boleh trus masuk
dalam beg dan ikek ket FiXeR.

10/09/2005 6.30am. Malam tadi syoklak tido…… bilo bangun gepren eden
koba tak nak ikut sobab ado sokolah ganti. Eden toghuih mandi dan
siap. Sodang toghek'an ghantai FiXeR…. Pom… pom… pom… member baghu
dalam geng 3 ST sampai… Hail535.. kuek ee bunyi… ghioh sotaman.

Lopeh gepren eden po'ie sokolah, eden dan Hail535 zassssss…… haghi
pagi la'ie… tapi haghi ni tak sojuk. Maso tuh lobih kughang dalam 7.
25am. Sobolun tuh VulcanMan dah SMS ngoba'an dio dalan pojalanan ko
rendevour point.

Sampai kek heway cam biasolah pulon dalam 110-120km/h. Totibo
kitoghang potong satu Vulcan 500. Mamat tu mungkin boring jalan
sensorang… toghuih ikut. Kalau nak potong memang takdo masalah tapi
dio duduk kek bolakang yo. Ikut gayo cam dio nih solalu konvoi… macam
marshal lagi….. bilo sangkut yo… dio solalu bukak laluan utk konvoi
member…. Sampai kek Petronas Sg Bosi, eden topakso singgah sobab FiXeR
dah haus bona…. Si Vulcan blah….

Daghi SonangWang tadi cuaca baik dan coghah. Maso masuk MRR2 pun
coghah gak. Keto tak boghapo banyak kek MRR2… ogahng cuti agak eeee…
Masuk simpang Kuantan/Genting… bilo sampai kep BP lopeh Toll Plaza
tuh… VulcanMan dan JaguhMan dah tunggu….. siap sompek sarapan lagi kek
situ…. Sorry geng eden lambek sket… he… he… he….

Bilo boghonti mato eden ghaso lain macam yo. Daghi tadi eden dah
ghaso, tapi ingat'an tak do papo. Tapi bilo eden tengok kek side
mirror… alamak… merah… sakit mato lah nih. Cobaannnn………….

Eiikkkk… soghang yo… keteh JaguhMan…
Soghang yo… gepren ado sokolah ganti… teh eden…
Eden introduce Hail535 kek dioghang….

Totibo sampai sobuah ZX6… borak jap… dio koba nak gi Cameron Highland
lalu jalan Gua Musang….. perghhh jauh tuuu…

Bincang jap pasal route…. Sumo sotuju ikut jalan lamo… Karak –
Jerantut – Tmn Negara….. zasssss…………maso tuh dalam 8.40am.

Maso mulo mondaki… FiXer eden slow yo… apo tak eh… paling kocik…..
tapi bilo nurun… pergh… abih sumoghang kono kitai…. He… he… he…. Macam
power yo FiXeR eden tuh….

Kuar heway karak…. Ikut state road ko Mentakab… jalan longang yo….
Sumoghang syok yo layan….. JaguhMan Lead…. Cam biasolah JaguhMan…
bodosup. Tibo kek satu kona tuh…… eeee…. JaguhMan terovershoot… lopeh
tuh plak VulcanMan terovershoot gak… peh tu eden plak… lagilah
terovershoot…. Mak aiii… kona tu bahayo botow…. Clear nampak jauh
kodopan tapi dio punyo curve…… pesen lamo daaaaa……. Tak boleh masuk
langsung…….

Jalan-jalan kek sini cantik dan lebar gaklah. Keto pun tak banyak.
Kona pun banyak gak yang cun. Layan yolah. Eden dan JaguhMan.. cam
biasolah …. Hampir full throttle… VulcanMan dan Hail535… ehmmm….. tak
toghaso pun motor tuh……. tapi langsung tak ponah jumpo konvoi…… SB
lain pun langsung tak ponah jumpo… jadi bilo lalu kek pokan atau kek
kampung atau bilo molinteh kek budah-budak sokolah… topoliuk leher
dioghang mandang 4 bijik motor momokak kek kampung dioghang….. he… he…
he….

Maso boghonti isi minyak, mato eden tambah teruk… tak soleso…. Silau.
Topakso singgah jap kek klinik. Mujo tak do ogahng. Dapek ubek titik
dan cream mato. Doktor sughoh bubuh tiap sojam. VulcanMan koba, kalau
tak tahan kito patah balik yo….. nak patah balik…… mintak maap dah
sobulan eden nunggu trip nih. Doktor pun koba tak do papo, cumo silau
dan tak soleso yo lah. Teruskannnnnn……..

Yang paling dokek mileage range, Hail535. Boleh dapek dalam 150km yo
satu tank… so papo hal pun kono boghonti ikut ghontak si Hail535 ni.
Kek area Jerantut.. boghonti laie… bincang pasal route… maso tu sumo
kudo bosi dah hampir koghing tapi….. teruskan jugak sobab harapkan ado
petrol station kek dopan. Tapi tak do…..

Trus jumpo simpang Taman Negara… masuk kiri. Jalan kek sini kigho
pondalaman lah… topi hutan yo. Totibo nampak papan tando …… Taman
Negara 61km…. Haaaa…. Jauh eeee…. Buntang kudo bosi ni kang nih……..
ati eden dah mulo ghisau…. Kalau sopanajng jalan tuh tak do petrol
pum….. somputlah monolak si Hail535…. Paling kuek pun dio ado dalan
70km yo laie…. Sobolun buntang… koghing…

Dalam ghisau tu… layan gak kona kighi dan kanan…. Syok beb… tak do
keto. Sosokali yo ado keto oghang Felda dan bebudak felda naik
kapcai…… totibo… Mobil 1 km….. legaaaaaaaa…… tapi VulcanMan tak
boghonti plak….. koja jang kojaaaa…… hon dio dan bagi sigenal U-turn…
masuk Mobil dan kasi minum itu kudo bosi…… perghhhhhh legaaaaa…

Lopeh kasi minum kodo bosi tuh….. zaasssssss…………. Totibo jumpo open
road… siok beb… ado lurus dan ado kona baik punyo….. boghapi-ghapi
footrest Hail535.. FiXeR… ehmmm relak yooo…. Yo lah beso kek heway
yo….. tapi layan gak lah…. Tapi tak lamolah… jumpo plak jalan yang
banyak lobang dan tampalan tar…. Batu lak bosepah-sepah….. maintain
cruising speed yo lah…

Sampai Kuala Tahan kul 1.00pm. Paneh beb kek sini. Dari Karak sampai
sini ado 3 roadblock. Kudo-kudo bosi sihat sumo eh…. tuan eh yo yang
dah mulo somput….

Poghout dah koroncong. Singgah kek Restoran Terapung… Nasi Goreng USA
2, Nasi Gorang Pataya, dan mi Bandong….. sobab haus bona eden soghap
duo tin 100Plus. Borak, coghito… pot-pet…pot-pet…. Blahhhhh… topakso
awal sket sobab nak ikut route lain balik nih….

Pojalan balik re-trace jalan yang samo. Tapi maso kek route Tmn Negara
tuh… ado RXZ cubo nak acah-acah…. Tapi bilo tengok Hail535 boghapi
footrest, dio follow jauh sket…. Bilo jalan lughuih… dio potong..
lopeh tu ghantai motor mamat tu putuih…. Bosepah tongah jalan… he… he…
he…. Kono dolat lah tuh…….. he.. he.. he…. Eden tak nampak tapi Hail
535 yang coghito…

Pojalanan balik ni agak lain sobab paneh bona. Lobih banyak isi
tangki tuan daghi isi tangki kudo bosi. VulcanMan dan JaguhMan agah
jauh kodopan bilo eden ghaso lain macam yo…. Si FiXeR eden tu somput
sket……. Sobab masih jauh eden boghonti utk tengok apo yang tak kono…
tarik clutch … mati….. alamak.. susah nih…… toghuih glide bawah
jambatan. VulcanMan dan JaguhMan ilang kek dopan. Totibo VulcanMan
call…. Dioghang patah balik.

Sobab edeb suspek overheat… eden tak idupkan enjin tapi tunggu sojuk.
Nampak VulcanMan dan JaguhMan dah patah balik. Eden check minyak itam,
ok, check lelain… sumo nampak okey. Lopeh agak sojuk start…… vroom…..
lega… tak do bunyi polik atau sobarang tando kerosakan…. Zasssssss……….
. tapi cruising speed kureng sket… just in case…

Sokali laie… boghonti isik minyak walau pun masih banyak… sobab lopeh
ni nak masuk umfimiliar route. Kuala Pilah. Sampai simpang tuh dalam
kul 5.00pm.

Sapo tak ponah ikut patut cubo route ni. Jalan lamo, tapi tar okey.
Korner… pesen lama dah… tapi banyak yang clear dan siookkkkkk. Tapi
hati hati sobab ado banyak yang berpasir dan berbatu. Sotakat ni eden
bolun ponah lalu jalan macam nih. First 40km, perrgghhh… tak do maso
langsung nak togak….. condong kiri… condong kanan… FiXer topakso drop
gear sampai gear 2. Itu pun tak tokojar si JaguhMan dan VulcanMan.
Jalan ni mungkin dibina khas untuk Mat Yen dan Pijoe……….

20km seterusnya…. Man-man yo…. Tak boghapo cantiklah… bilo dah dokek
Batu Kikir….. waaaaaa…. Camel Trophy bebehhh…. Ini lagi dahsyat dari
Camel Trophy…. Bayangkanlah…. Tar yang ponuh donga batu dan
pasir…macam monari kudo bosi kalau laju… pergggghhhhh…..
cobaannnnnnnn….

Sampai Batu Kikir eden carik masjid, tapi takdo yang topi jalan.Sampai
Pilah, barulah jumpa dan berenti jap. Sembahyang jamak zohor dan asar.
Maso ni dah hampir kul 7.00pm. Oghang dah mulo datang utk sembahyang
maghrib.

Zaaassssss……. Ikut jalan Pilah-Seremban. Programme asal nak ikut back
road ke Rembau kensel… sobab dah lewat. Sampai bukit putuih dan golap…
VulcanMan, JaguhMan dan Hail535… monobut ko dopan colah-colah keto
yang banyak… eden cicir sobab tak nampak jalan dan motor lak kureng
power….. he.. he… he…

Dioghang tunggu eden kek Lavender Height… eden lead balik toghuih
boghonti kodai mamak kek dopan umah eden. Haus beb…. Sohaghian ateh
motor. Sampai situ adik eden ado plak. Asal ee dio nak ikut, tapi tak
konfiden nak bawak 125Z.

Coghito laie…… lopeh tu VulcanMan dan JaguhMan ke KL… Hail535 ke
Melaka … adik eden balik Ghombau… eden balik umah… kul 8.30pm.

Perjalanan hari ni tough… jumlah perjalanan eden lobih kughang 630km….
VilcanMan dan JaguhMan kono tambah lagi 70km dan Hail535 kono tambah
lagi 100… utk semasing balik umah… tapi cuaca.. alhamdulillah… cerah
sepanjang jalan.

Walaupun mileage bukan yang paling jauh… tapi ini pure local road…
heway Cuma dalam 30km yo….

Dah ada ura-ura utk next ride lopeh ghayo…..

Moskito 125

Ahad ari tuh eden gi KL, Tmn Sri Rampai. Bokolelong eden carik taman nih. Nasib baik eden ado "word map", kalau tidak.... mahu tak abih-abih eden bokolelong dibuek ee. Timo kasih tok pongulu lombah Keramat.

Lopeh makan kenduri, balik dan singgah umah sopupu eden kek Sri Andalas. Hujan pulak lobek. Ehmm..... duduk dalam umah yo lah.......

Tak lamo lopeh tu, hujan boghonti. Logo ati eden. Totibo ..... zassss..... ado minah boghonti dopan pintu umah sopupu eden tuh. Ghupo eh anak buah eden balik....... naik nyamuk.

"Opppp..... jangan mati enjin duluuu....." copek yo koluar daghi mulut eden. Pucuk dicito ulam mendatang. Tapi bolun sompek eden nak bogoghak, hero kocik eden "Ayah nak ikut, boli gulo".

Yo tak yo, bawaklah dulu pusing taman dan singgah kodai boli gulo. Lopeh anta dio balik baghulah aden capai helmet dan zassss .......

Aghi ujan dan jalan basah. Mak ai..... skuter ni macam nak bolayar yo. Ghaso macam tak nak gigit jalan yo tayar tu. Topakso eden pogang handle bar dongan kuek dan komeh. Single absorber bolakang bolah kighi tu pulak langsung tak membantu. Bilo tolanggar yo lokuk, moliuk-liuk skuter tuh.

Bilo ambik kona, ghaso skuter tu macam tak mahu condong. Ghisau botow eden nak kona. Macam oghang baghu nak bolajar naik motor lak ghaso ee.

Brek bolakang skuter ni pulak diset tolampau jauh. Nasib baik brek dopan boleh diharap. Buleh gaklah boghonti dongan solamat.

Eden ambik stretch Serdang-Abu Bakar baginda. Pecut skuter nih dari stand-still. Ehmm..... worait gak pick-up. Mahu cicir kojap Ombak eden nih.

Puleh habis throttle. Dapek max 105km/h. Ehm..... laju la'ie Elite 125 yang ponah eden try satu maso dulu. Kalau banding dongan Ombak eden lagilah cam langit dongan bumi. Tapi sakit poghuit eden dibuek ee. Eden ghaso macam nak totonggeng yo skuter nih pado kolajuan nih.

Sampai kawasan kona, ehm.... masalah yang samo. Dogay bona skuter nih. Tak boleh bawak boghunding langsung. Satu maso tuh, nyaghieh eden nak terovershoot..... bodoghau daghah eden......... eeeee.....

Eden cubo alih kodudukan eden. Cubo nak carik kedudukan yang soleso dan improve handling skuter tuh, tapi tak do porubahan. Lotak kaki kek dopan, lotak kek bolakang...... ishk soghobo tak kono.... apo hal skuter nih.....

Sampai Sg Merap, isik minyak. Kesian anak buah eden tuh. Siang kojo, malam study part time kek UPM. Tak kan eden nak balun pree yo skuter dio kan...... Susahlah pulak nak bukak tutup tompek isik minyak tuh. Godek-godek baghulah dapek bukak. Isik RM3. Ehm..... cukuplah tuh.......lopeh isik minyak eden patah balik.

Dalam pojalanan balik, eden pikir panjang. "Aposal lah skuter ni sumo ee soghobo tak kono. Zaman sains dan technology ni takkan bogitu toghouk keadaan ee.

Totibo eden toghingat, dari eden mulo ride skuter tuh, eden asyik nak dia buek ikut kohondak ati eden yo. Mungkin eden tolampau pushy.

Eden started to loosen up. Longga'an grip eden pado handle bar. Relax dan lotak kaki kek bhg tongah lantai skuter tuh. Pinggang pun eden kasi loose sket biar skuter tu molenggok ikut suko ati ee. Eden bagi skuter tu peluang utk dio bukti'an dio adalah bobaloi dimiliki.

To my surprise, everything started to improve. Eden mulo soghonok.......Sampai kek simpang UPM eden tak masuk kighi tapi toghuih halo Sri Kembangan. Maintain speed 90-105km/h. Eden dah mulo naik soghonok naik skuter nih..... syok gak... takyah tukar gear... tak payah nak buek apo-apo.... just ride yo.....

Eden biar'an skuter ni ikut lenggok dio sondighi. Eden bengkok'an siku eden sikit dan bilo masuk lokuk eden biar siku eden tu boghonjut dongan skuter tu kali. Skuter ni macam suko ati bilo eden boghi dio kobebasan.......

Sampai kek traffic light the Mines, eden patah balik. Siap bolumbo-lumbo dongan Lagenda, SS2 dan EX5. Kek ateh jambatan yang ado tranmission 33KV tu..... eden siap kencing satu Lagenda 110 yang tohegeh-hegeh nak ambik kona.....

Sopanjang pojalanan balik eden makin paham ghagam skuter nih. Bagi skuter yang berenjin 125cc ..... Ehm...... not bad.

Secara peribadi, eden ghaso single absorber bolakang tu kono ditukar samada jonih double atau single tapi centre mounted seperti 125Z atau RG Sport. Single one sided tu tak berapa stable bagi eden yang dokek 100kg berat.

Enjin pulak perlu 150cc. Kalau dengan enjin sekarang hanya sesuai utk perjalanan dokek-dokek yo. Nak jalan jauh... bozaman beb baghu sampai. Boleh boghuban ghambut kek tongah jalan / heway..... he... he... he.....

Kalau buek pobandingan monyolughoh...... Ombak eden jauh lobih baik...... Lagenda pun jauh lobih baik.... tapi tak adil lah kan.... ini kigho banding'an apple dongan dughian......... kalau banding'an dongan Elite 125...... top speed Elite 125 lobih baik... kona lobih kughang yo...... pick-up eden tak pasti..... tapi kalau design eden lobih goma kek Nyamuk nih..... kalau ado yang 150.... ehmmmm... kono bosar'an porch eden dulu.........

Pesanan bagi yang baru nak naik skuter ..... kasi peluang pada skuter ni..... koghang takkan nyosa.......

Eden silap mulo eh. Eden lupo, yang solamo ni eden memang sontiaso boghi poluang utk motor apo pun utk perform ikut ghontak somasing. Eden just go with the flow yo..... tapi dongan skuter ni eden lupo...... eden expect dio perform ikut requirement eden.........ehhhmmmm.... Melayu+Jawo+Minang mudah lupo...... he... he... he.....